ಶಿರಸ್ಸಿಗೆ ತಂಪು ಕೊಡುವ ಸಿರ್ಸಿ...ಒಂದು ಸುತ್ತು - ಭಾಗ ೧

ತಲೆಯಲ್ಲಿ ಬೇಕಾದ್ದು ಬೇಡವಾದ್ದು ವಿಚಾರಗಳ ಮಧ್ಯೆ ಒಂದು ಸಮರವೇ ನಡೆದಿತ್ತು..ಹಾಗೆ ಮನಸು ವಿಸ್ಮಯ ಲೋಕದಲ್ಲಿ ತೇಲುತ್ತಾ ಹೋದಾಗ.."ಏನು ಮಾಡಲಿ ನಾನು ಏನು ಹೇಳಲಿ" ತ್ರಿಮೂರ್ತಿಯ  ಅಣ್ಣಾವ್ರ ಹಾಡು ನೆನಪಿಗೆ ಬಂತು..ಹಾಗೆಯೇ "ಅಂದುಕೊಂಡಂಗೆಲ್ಲ ಸಾಗದು ಜೀವನ ಗೆಳೆಯ..ವಿಧಿಯ ಆ ಆಟ"..ಮಲ್ಲ ಚಿತ್ರದ ರವಿ ಮಾಮನ ಹಾಡು ನೆನಪಿಗೆ ಬಂತು..

ಸರಿ ಒಂದು ಸ್ವಲ್ಪ ಕಾಲ ಸುತ್ತ ಮುತ್ತಲಿನ  ಪ್ರಪಂಚ ಬಿಟ್ಟು...ಶ್ರೀಯ ಪರಪಂಚದ ಕಡೆಗೆ ಸ್ವಲ್ಪ ಹೆಜ್ಜೆ  ಹಾಕೋಣ ಅನ್ನಿಸಿತು ..ಶಿರಸ್ಸಿಗೆ ಬಂದ ಯೋಚನೆ ಶಿರಸಿ (ಸಿರ್ಸಿ) ಪ್ರವಾಸ...ಮರುಯೋಚನೆ ಇಲ್ಲದೆ ಅಲೆಮಾರಿಗಳು ತಂಡದ ಕಾಯಂ ಸದಸ್ಯರಾದ ಸಂದೀಪ್, ಲತೇಶ್ , ಪ್ರಶಾಂತ್ ಬರುತ್ತೇನೆ ಎಂದರು, ರಘು ಕೂಡ ಸೇರಿಕೊಂಡರು..ಸರಿ ಅಲೆಮಾರಿಗಳು ತಂಡದ ಐದು ಮಂದಿಯ ಗುಂಪು ಸಿರ್ಸಿಗೆ ದಾಳಿ ಮಾಡಲು ಸಿದ್ಧವಾಯಿತು.

 ಅಲೆಮಾರಿಗಳು!!!

ಎರಡು ದಿನಗಳ ಈ ಸುಂದರ ಪ್ರವಾಸ ನಮ್ಮನ್ನು ಸುಮಾರು ಹದಿನೆಂಟು ಶತಮಾನಗಳಷ್ಟು ಹಿಂದಕ್ಕೆ ಕರೆದೊಯ್ಯಿತು.

ಭೂದೇವಿಯ ಮಕುಟದ ನವಮಣಿಯೆ
..............
ಹಸುರಿನ ಗಿರಿಗಳ ಸಾಲೇ
ನಿನ್ನಯ ಕೊರಳಿನ ಮಾಲೆ
................
ರನ್ನ ಷಡಕ್ಷರಿ ಪೊನ್ನ, ಪಂಪ ಲಕುಮಿಪತಿ ಜನ್ನ
ಜಯ ಸುಂದರ ನದಿ ವನಗಳ ನಾಡೇ
...............
ಜಯ ಭಾರತ ಜನನಿಯ ತನುಜಾತೆ, ಜಯ ಹೇ ಕರ್ನಾಟಕ ಮಾತೆ!

ಈ ನಮ್ಮ ನಾಡಗೀತೆಯನ್ನು ಹೇಳುವುದಷ್ಟೇ ಅಲ್ಲದೆ ಅದರ ಸಾಕ್ಷಾತ್ಕಾರದ ಅನುಭವ ಕೊಟ್ಟ ಈ ಪ್ರವಾಸ ನಮ್ಮ ಅಲೆಮಾರಿಗಳು ತಂಡದ ಒಂದು ರಮಣೀಯ ಪರ್ವ ಎನ್ನಬಹುದು..

ನಮ್ಮ ಭೂದೇವಿಯ ಮಕುಟದ ನವಮಣಿಯಾದ ಕರುನಾಡ ತಾಯಿಗೆ ಒಂದು ಅನರ್ಘ್ಯ ರತ್ನ ಕೊಡೋಣ ಅಂತ ಅಂದುಕೊಂಡಿದ್ದೆವು..ನಮ್ಮ ಪ್ರವಾಸದ ಹೆಜ್ಜೆ ಗುರುತು ಗಮನಿಸಿದಾಗ ನಮಗೆ ಆಶ್ಚರ್ಯವಾಯಿತು..ಅರೆ..ರತ್ನ ಕೊಡೋಣ ಅಂದ್ರೆ..ಕೌಸ್ತುಭ ಹಾರವೇ ಆಯಿತು..ನೀವೇ ನೋಡಿ!!!

ಕರುನಾಡ ತಾಯಿಗೆ ಕೌಸ್ತುಭ ಹಾರ!!!

ಪ್ರಯಾಣ ಮುಂದುವರೆಯುತ್ತದೆ..